Hér finnur þú verðlista og valkosti fyrir Tannlæknaþjóninn sem gildir frá 1. okt. 2018.
Innifalið í verði nýs kerfis eru uppfærslur í eitt ár. Uppsetning kerfisins á útstöðvum og samtenging á staðarneti, tenging prentara o.þ.h. er unnin í tímavinnu (um 1-2 klst. fyrir hverja útstöð). Fyrir núverandi notendur er boðið upp á uppfærslurétt (viðhaldssamning) í eitt ár í senn, á verði sem nemur 20% af gildandi kaupverði á hverjum tíma. Uppfærslurétturinn tryggir þér allar nýjar útgáfur á tímabilinu.
Hvað kostar þetta í raun? Hér má sjá raunhæft dæmi um árlegan rekstrarkostnað kerfisins, sem er í lægra lagi miðað við kjarnakerfi (viðhald og rekstur á tölvubúnaði, prentara, netkerfi, Internet-tengingu og röntgen-kerfi er ekki með í þessum útreikningi):
Tenging við Þjóðskrá tryggir aðgang að nýjustu upplýsingum um sjúklinga. Fastagjaldið innifelur 100 uppflettingar á mánuði og er rukkað sérstaklega fyrir umframnotkun, 36 kr. per uppflettingu (tvisvar á ári). Afritun gagna yfir netið tryggir að þú eigir ávallt öruggt afrit af gögnum Tannlæknaþjónsins, sjúklingaskjölum og röntgen-myndum sem þú hefur tekið. Forrit eins og Duplicati er notað til að taka sjálfvirkt afrit af nýjustu skrám á hverjum degi. Upphafleg afritataka af öllum skrám (þ.m.t. öllum röntgenmyndum) og uppsetning á öryggisafrituninni, er unnin í tímavinnu. Sjá nánari umfjöllun á síðunni Afritun gagna yfir netið. Öruggar skeytasendingar auka líkurnar á að boðun sjúklinga með SMS, komist til skila. Það dregur úr forföllum sjúklinga og tilheyrandi tekjutapi. Sjá nánari upplýsingar um valkosti á sérstakri síðu um Skeytasendingarþjónustu Hugmóts. Uppflettingar í símaskrá ja.is felur í sér beina tengingu við gagnagrunn ja.is gegnum vefþjónustu. Það tryggir þér nýjustu upplýsingar um GSM-símanúmer, heimasíma, aðsetur, póstfang, starfsheiti o.fl. beint inn í viðeigandi svæði í Stofn-upplýsingum sjúklings. Uppfærsla SÍ-taxta felur í sér að við útvegum nýjustu gjaldskrár SÍ vegna endurgreiðslu tannlæknakostnaðar fyrir börn, unglinga, ellilífeyrisþega og öryrkja, sem passa fyrir Tannlæknaþjóninn. Um er að ræða tvo taxta sem báðir eru uppfærðir tvisvar á ári, 1. janúar og 1. júlí. Þú sparar talsverða handavinnu! Tölvudekur/ráðgjöf felur í sér að halda tölvunum þínum við hestaheilsu og tryggja að þær skili ávallt fullum afköstum. Innifalið eru uppfærslur á stýrikerfi og reklum, afstykkjun disks og Windows registry, tiltekt á diski, vírusleit, rykhreinsun o.m.fl. Hver tölva fær "heimsókn" minnst 4 sinnum á ári. Við ráðum þér líka heilt varðandi breytingar á tölvum og netkerfi. Þetta er fyrirbyggjandi viðhald, unnið í tímavinnu, sem skilar sér í meiri stöðugleika og færri rekstrartruflunum. Þjónustusamningur færir þér afslætti og forgangsþjónustu á álagstímum. Einnig ókeypis uppfærslu á SÍ-töxtum tvisvar á ári (2 x 2 taxtar). Akstur miðar við hverjar byrjaðar 15 mínútur. Viðskiptavinir á landsbyggðinni borga þó aldrei meira en sem nemur 2 tíma akstri. Ef þú hefur hug á að setja upp Tannlæknaþjóninn eða uppfæra hann í nýjustu útgáfu, hafðu þá samband við okkur:
© 2011-2020 - Hugmót ehf og TEG ehf - Allur réttur áskilinn |
www.hugmot.is