Orðaskiptingaforritið Saxa er lausn á þeim vanda útgefenda að skipta íslenskum orðum rétt á milli lína. Saxa sparar umtalsverðan tíma við umbrot, próflestur og lokafrágang texta til prentunar. Hún hentar öllum þeim sem nota ritvinnslu, fást við útgáfu eða prentun. Mikill ávinningur Ef þú notar Söxu, verður textinn sem þú sendir frá þér mun fallegri áferðar. Við umbrot flæðir hann mjúklega um síðuna jafnvel þótt þú breytir leturstærð, dálkvíddum eða skellir inn mynd. Þar sem öll orðin eru með skiptitákni, veit umbrotsforritið nákvæmlega hvernig skipta má textanum. Orðtakan í Söxu auðveldar líka próflestur og kemur í veg fyrir stafsetningarvillur. Frágangur verður allur fagmannlegri, lesendur ánægðari og orðstírinn batnar. Við þetta bætist gríðarlegur vinnusparnaður við handvirkar leiðréttingar á orðaskiptingum. Aðalskjámynd Söxu fyrir Windows   Hvernig vinnur Saxa? Saxa vinnur á þann hátt að hún les textaskrár eða Word-ritvinnsluskjöl með íslenskum texta og saxar öll skiptanleg orð í smátt, þ.e. setur inn tákn hvar skipta megi orðunum milli lína. Þegar skjalið er prentað út eða textinn fluttur inn í umbrotsforrit, þá nýtast skiptitáknin ef þess gerist þörf. Árangurinn leynir sér ekki! Saxa hefur verið í þróun undanfarin 25 ár og er notuð hjá fjölmörgum prentsmiðjum og útgáfufyrirtækjum með góðum árangri. Saxa er ætluð fyrir PC tölvur með Windows stýrikerfi (útgáfur 95/98/ME/NT/2000/XP/7/8). Og Macintosh notendum getum við boðið lausn sem vinnur útí horni á gamalli PC-tölvu!   Vinnuborðið má nota til prófana eða tenginga við önnur forrit gegnum Windows klippuborðið

Helstu kostir Söxu Saxa er lipur í notkun og mörgum kostum búin: Saxa skiptir orðum rétt í yfir 99% tilvika. Saxa vinnur á venjulegar textaskrár og Word-ritvinnsluskjöl (gegnum Word sem þarf að vera uppsett á tölvunni). Saxa býður upp á undantekningaskrár með allt að 1.000 orðum eða orðhlutum, svo unnt sé að skipta sérfræðiorðum rétt og laga forritið að smekk notandans. Saxa býður upp á orðtöku, þ.e. býr til lista í stafrófsröð yfir orð sem fyrir koma í textanum. Þessi aðgerð auðveldar próflestur og dregur úr stafsetningarvillum. Saxa getur birt skýrslu yfir skiptingu langra orða, sem auðveldar prófarkalestur. Með vinnuborði Söxu getur þú slegið inn orð séð hvernig hún vill skipta því. Það hentar vel til að prófa undantekningaskrár og til að sannprófa gæði. Vinnuborðið gagnast líka til að saxa texta á klippuborði Windows. Með því móti má nota Söxu með fjölmörgum Windows forritum, t.d. Microsoft Publisher og Ventura Publisher. Saxa leyfir val á skiptitákni, lágmarkslengd orða og grófleika skiptinga. Saxa býður upp á verndun óskiptanlegra orða (t.d. syngja nokkra söngva) með skiptitákni fyrir framan orðið. Hjálpartexti, notendahandbók og þjónustuvefur hjálpar notendum að hafa fullt gagn af forritinu.

Munurinn er augljós Hér sérðu muninn á óskiptum texta og fullsöxuðum. Textinn flæðir ljúflega um síðuna, jafnvel þótt þú breytir umbrotinu, auk þess sem meiri texti kemst fyrir á síðunni. Smelltu á myndina til skoða þetta nánar. Einnig getur þú sótt þetta Word-skjal í heild sinni (munur.doc 15 kb). Ókeypis sýningareintak Þú getur sótt ókeypis sýningareintak af Söxu, sem inniheldur allar aðgerðir forritsins. Sýningareintakið þó takmarkað, því það vinnur aðeins úr fyrstu 300 orðum í skjalinu/vinnuborðinu og hættir að virka eftir 30 daga. Notendahandbók og hjálparforrit fylgja ekki með sýningareintakinu. Ef þér líst vel á Söxu, hvetjum við þig til að senda hana til vina og kunningja. Láttu þá hafa dreifiskrána sem þú náðir í (saxademo.exe). Síðast en ekki síst, ef Saxa leysir þinn vanda varðandi orðaskiptingar, skaltu panta eintak og stuðla þannig að áframhaldandi þróun forritsins. Netlausn Saxa fyrir netkerfi hentar einkum prentsmiðjum og útgáfufyrirtækjum, sem vinna með mikinn texta. Lausnin innheldur 2 hjálparforrit (Vakta og XLT), sem gera orðaskiptingar á staðarneti að sjálfvirku vinnsluferli. Vaktforritið fylgist með tilteknu skráasafni og ræsir upp Söxu til að skipta skrám sem þangað eru fluttar. Sérstakt umbreytiforrit (XLT) auðveldar tengsl við önnur stýrikerfi, t.d. Macintosh. Auk þess býður það upp á ýmsar umbreytingar á strengjum, t.d. að breyta opnunargæsum og stílsniðum, sem eykur enn sjálfvirknina í umbrotsferlinu. Sérstök aðlögun Einnig bjóðum við notendum Söxu upp á aðstoð við að útbúa undantekningaskrár, til að auka enn meir gæði skiptinganna. Þá vinnum við úr miklu magni dæmigerðs texta viðkomandi aðila, orðtökum hann, skiptum og lesum yfir. Orð sem ekki skiptast rétt — gjarnan sérfræðiorð og erlend sérnöfn — eru síðan sett í undantekningaskrá og textanum skipt aftur, uns árangurinn er orðinn 100% réttar skiptingar eða því sem næst. Hvað kostar Saxa? Saxa er ekki seld, heldur leigð gegn sanngjörnu afnotagjaldi, 1 eða 3 ár í senn. Það innifelur nýjar útgáfur reglulega á leigutímanum, sem er mun þægilegra en að kaupa uppfærslur á nokkurra ára fresti. Afnotagjaldið er mjög sanngjarnt þegar hafður er í huga sá mikli vinnusparnaður sem notkun Söxu hefur í för með sér. Saxa kemur í nokkrum afbrigðum, til að mæta mismunandi þörfum. Taflan skýrir nánar valkostina og hvað þeir kosta (öll verð ÁN VSK): Afbrigði / þjónusta Eitt ár Þrjú ár Athugasemd Saxa fyrir einstaklinga 4.500 9.000 Fyrir hvern notanda eða tölvu Saxa fyrir fyrirtæki/stofnanir 9.000 18.000 Fyrir hvern notanda eða tölvu Saxa á neti fyrir stórnotendur 90.000 180.000 Sjálfvirkt umbrotsferli Vinna við uppsetningu og aðlögun 7.300   pr. klst. Pantaðu eintak af Söxu, eða hafðu samband ef þú vilt fræðast nánar um hana.   © 2000-2013, Hugmót ehf - Allur réttur áskilinn