Raymond Cartwright kynnir:
Vatnslitamyndir
af gæludýrum
Áttu gæludýr, t.d. hund, kött eða jafnvel hest? Langar þig til að eignast mynd af honum? Sendu mér ljósmynd og ég geri þér tilboð, eftir því hve viðamikið verkið er.Smelltu á myndina af hér til hliðar, til að skoða stærri útgáfu af þessari fallegu mynd (100 kb). Skoðaðu líka fleiri dæmi neðar á síðunni og sýnishorn af öðrum verkum.
Um sjálfan mig ...
Mér finnst viðeigandi að kynna sjálfan mig lítillega, þó ég hafi í raun ekki frá mörgu að segja.Ég fæddist og ólst upp í London, en hef búið á Íslandi frá 1980. Konan mín, Eydís, er íslensk og eigum við saman tvær dætur. Ég hef málað eins lengi og ég man eftir mér. Segja má að ég sé sjálfmenntaður, og hafi lært mest af tilraunum og mistökum ... kannski blunda smá listamannshæfileikar í mér líka.
Mér líkar best að mála hluti sem ég kann vel við. Það er ástæðan fyrir því að ég mála gjarnan dýr, einkum gæludýr. Kettir eru í miklu uppáhaldi, bæði stórir og smáir. En ég mála líka landslag, sjávarsíðunaog jafnvel píni mig stundum til að mála mannamyndir. Ennfremur hef ég yndi af að mála gamla hluti, með flagnandi málningu, ryðbletti (sem eru mjög fallegir, svo fremi þeir eru ekki á bílnum mínum), gamla báta, járnbrautarlestar o.s.frv.
Ég hef haldið margar málverkasýningar, einkum hér á Íslandi. Þar hef ég sýnt olíumálverk, skröpumyndir og vatnslitamyndir. Um þessar mundir nota ég mest vatnsliti, þó svo mig langi alltaf að grípa í olíulitina aftur.
Það er von mín að þú njótir þeirra mynda sem hér er að finna. Endilega hafðu samband ef þig langar í mynd eða hefur góðar ábendingar um þessa síðu.
Hér sérðu litlu elskurnar mínar, þau Shady, Queeny, Daniel og Rocky (og tvo hesta að auki).
Smelltu á þær til að skoða myndirnar betur.
Shady
Queeny
Daniel
Rocky
Hestar á beit
Hafðu samband við:Raymond Rafn Cartwright sími: 567-3348 Álakvísl 7d tölvupóstur: raymond(at)hive.is 110 REYKJAVÍK Af tæknilegum ástæðum er skrifað (at) í stað merkisins @ til að koma í veg fyrir að ég drukkni í ruslpósti. Mundu því að breyta (at) í @ þegar þú sendir mér póst.
Sérstakar þakkir fá ...
... fyrir að vísa á síðuna mína.
English version
Síðast uppfært 10.12.2005
Hugmót - Vefsíðugerð
