Handvirka aðferðin Ef þú gerir ekki miklar kröfur og klukkan í tölvunni þinni gengur nokkuð rétt, dugir kannski að stilla hana handvirkt. Þú getur notað klukkuna í farsímanum eða "fröken" klukku (sími 511-0155) til að stilla réttan tíma (reyndar er Ólafur Darri nú í hlutverki yngismeyjunnar). Opnaðu fyrst Windows-klukkuna (með því að smella á klukkuna neðst hægra megin á tækjaslánni). Smelltu síðan á Change date and time settings og svo á Change date and time takkann. Veldu réttan tíma og ýttu á OK-takkann á hárréttu augnabliki. Nákvæmnin gæti orðið +/- ein sekúnda.   Sjálfvirka aðferðin Ódýrasta sjálfvirka aðferðin til að tryggja að Windows tölvur hafi rétta klukku, er að láta stýrikerfið um að samstilla klukkuna. Yfirleitt er þá gert uppkall einu sinni 2-3 sinnum á sólarhring (eða jafnvel aðeins einu sinni í viku) og klukkan leiðrétt ef með þarf. Breytingin er skráð í Windows Event Log (undir System) sem er ekki mjög aðgengilegt fyrir venjulega notendur. Þess vegna er ekki auðvelt að sjá hve vel klukkan í tölvunni stendur sig. Windows 10 Opnaðu stjórnborðið (Control Panel) með því að smella á Windows leitina (stækkunarglerið) neðst vinstra megin. Slá inn "Control" og veldu Control Panel Veldu View by: small eða large Icons Smelltu svo á Date and Time og veldu Internet Time flipann. Smelltu á takkann Change settings Hakaðu við Synchronize with an Internet time server og tilgreindu þann tímaþjón sem þú vilt nota (t.d. time.hugmot.is) eða veldu einhvern tímaþjón af listanum. Smelltu að lokum á Update Now og OK takkana.     Windows VISTA og Windows 7, eða 8.x Opnaðu fyrst klukkuna með því að smella á klukkuna neðst hægra megin á tækjaslánni. Smelltu síðan á Change date and time settings og veldu Internet Time flipann. Smelltu á takkann Change settings og sláðu inn leyniorð umsjónarmanns ef með þarf. Hakaðu við Synchronize with an Internet time server og tilgreindu þann tímaþjón sem þú vilt nota (t.d. time.hugmot.is) eða veldu einhvern tímaþjón af listanum. Smelltu að lokum á Update Now og OK takkana.   Windows 2000 eða Windows XP Opnaðu fyrst klukkuna með því að smella á klukkuna neðst hægra megin á tækjaslánni. Veldu síðan flipann Internet Time og hakaðu við Automatically synchronize with an Internet time server. Sláðu inn þann tímaþjón sem þú vilt nota (t.d. time.hugmot.is) eða veldu einhvern tímaþjón af listanum. Smelltu að lokum á Update Now og Apply takkana.   Breyta tíðni tímasamstillingar Ef þú vilt uppfæra klukkuna oftar en einu sinni í viku, getur þú breytt stillingunni í Windows. Gerðu þetta aðeins ef þú veist hvernig á að vinna með stillingar í Windows Registry, t.d. með RegEdit. Byrjaðu á því að opna greinina: HKEY_LOCAL_MACHINE\SYSTEM\CurrentControlSet\Services\W32Time\TimeProviders\NtpClient Hægri-smelltu á 'SpecialPollInterval' í glugganum hægra megin og veldu "Modify" og síðan "Decimal". Tilgreindu þar sekúndur á milli uppfærslna, t.d. 86400 ef þú vilt uppfæra einu sinni á sólarhring eða 3600 ef þú vilt samstilla á klukkustundar fresti. Vistaðu að lokum nýju stillinguna með því að smella á OK-takkann.   Til baka á yfirlit   © 2012-2019, Hugmót ehf - Allur réttur áskilinn